गरोदरपणात अननस खाणे सुरक्षित आहे का?

गर्भारपण हा एक आशीर्वाद आहे. परंतु त्यासोबतच गरोदरपणात काय करावे आणि काय करू नये ह्या गोष्टी सुद्धा लक्षात घेणे आवश्यक असते. गरोदर स्त्रियांना अन्नपदार्थांच्या बाबतीत अनेक निर्बंध पाळावे लागतात. अननस आणि पपई यासारखी काही फळे गरोदरपणात खाणे म्हणजे धोकादायक मानले जाते. गरोदरपणात अननस खाणे सुरक्षित आहे की नाही हे ह्या लेखाद्वारे जाणून घेऊया.

गर्भवती महिला अननस खाऊ शकतात का?

जरी बऱ्याच जणींना गरोदरपणात अननस खाल्ल्यास त्रास होत असला तरी सुद्धा, गरोदरपणात अननस खाणे पूर्णपणे सुरक्षित आहे. अननसाचे एक किंवा दोन काप खाणे तुमच्यासाठी आणि तुमच्या लहान बाळाच्या आरोयासाठी फायदेशीर ठरू शकते. सामान्यत: गर्भवती स्त्रिया अननस खात नाहीत कारण त्यात ब्रोमेलेन नावाचे एन्झाईम असते आणि त्यामुळे गर्भपात होण्याची शक्यता असते. तुम्ही एका आठवड्यात सात ते आठ कप अननस खाऊ शकता. तुम्ही कॅन केलेल्या अननसाची निवड सुद्धा करू शकता कारण कॅनिंग प्रक्रियेदरम्यान फळांमधून ब्रोमेलेन काढले जाते.

गरोदरपणात अननस खाण्याचे आरोग्य विषयक फायदे–

अननसाचे जेव्हा मर्यादित प्रमाणात सेवन केले जाते तेव्हा त्याचे स्त्रियांसाठी आरोग्यविषयक फायदे असतात. अननसाचे गरोदर स्त्रियांना होणारे आरोग्यविषयक फायदे खालीलप्रमाणे–

1. रोगप्रतिकारशक्ती वाढते

अननस हे व्हिटॅमिन सीचा समृद्ध स्रोत आहे. एक कप अननसामध्ये ८०–८५ मिग्रॅ व्हिटॅमिन सी असते. व्हिटॅमिन सी चे हे प्रमाण गरोदरपणात दैनंदिन गरज पूर्ण करते. ही जीवनसत्त्वे रोग प्रतिकारशक्ती वाढवतात आणि पेशींचे नुकसान टाळतात. व्हिटॅमिन सी कोलेजनच्या निर्मितीस देखील मदत करते. हे संरचनात्मक प्रोटीन बाळाची त्वचा, हाडे आणि कूर्चेच्या वाढीसाठी आवश्यक असते.

2. तुमची हाडे निरोगी ठेवते

अननसामध्ये मँगेनीज असते आणि ते हाडांच्या आरोग्यास प्रोत्साहन देते आणि त्यामुळे ऑस्टियोपोरेसिसचा धोका टाळला जातो.

3. मज्जासंस्थेच्या कार्याचे नियमन करते.

अननसामध्ये व्हिटॅमिन बी १ किंवा थायामिन असते आणि ते हृदय आणि मज्जासंस्थेचे कार्य नियंत्रित करते.

4. आरबीसीचे उत्पादन वाढवते

व्हिटॅमिन बी ६ लाल रक्तपेशींच्या उत्पादनास प्रोत्साहन देते, त्यामुळे अशक्तपणा टाळता येतो. अननस प्रतिपिंडे देखील तयार करते आणि त्यामुळे मॉर्निंग सिकनेस पासून आराम मिळतो.

तुमच्या बाळाच्या हृदयाच्या निर्मितीदरम्यान अननसातील तांबे आवश्यक आहे. हे लाल रक्तपेशींच्या निर्मितीमध्ये देखील मदत करते. अननसाचे आणखी काही फायदे पुढीलप्रमाणे–

• तुमच्या आतड्यांवरील दबाव कमी होतो.
• बाळामध्ये जन्मजात अपंगत्व टाळले जाते.
• आतडे निरोगी राहते.
• शरीरात पाणी टिकून राहण्यास प्रतिबंध होतो.
• वैरिकास व्हेन्स म्हणजे जेव्हा गरोदर स्त्रियांच्या पायातील नसा फुगतात, वळतात आणि वाढतात त्यामुळे वेदना होतात. ब्रोमेलेन या नसांवर होणाऱ्या तंतुमय साठ्यांची निर्मिती कमी करते तसेच त्यामुळे निर्माण होणारी अस्वस्थता सुद्धा कमी करते.
• रक्तदाब कमी करण्यास मदत होते.
• मूड चांगला होतो.

गरोदरपणात अननस खाण्याचे धोके

अननस जास्त प्रमाणात खाल्ल्यास गर्भारपणावर नकारात्मक परिणाम होतो. तुम्‍ही गरोदर असताना अननस खाल्ल्यास खालील धोके निर्माण होऊ शकतात.

१. ऍसिड रिफ्लक्स

अननसामध्ये ऍसिड असतात आणि त्यामुळे ऍसिड रिफ्लक्स येऊ शकतात किंवा छातीत जळजळ होऊ शकते. त्यामुळे, जर तुमची पाचक प्रणाली कमकुवत किंवा संवेदनशील असेल, तर हे फळ टाळणे चांगले.

२. गर्भपात/अकाली प्रसूती

शरीरात ब्रोमेलेन जमा झाल्यामुळे गर्भाशयचे मुख मऊ होऊ शकते आणि त्यामुळे गर्भपात किंवा अकाली प्रसूती होऊ शकते. म्हणून तुमच्या गरोदरपणाच्या पहिल्या तिमाहीत गर्भाशयाचे आकुंचन होऊ शकते आणि त्यामुळे पुरळ आणि उलट्या देखील होऊ शकतात.

३. रक्तातील साखर वाढवा

अननसात भरपूर साखर असते. म्हणून, गरोदरपणात मधुमेह असलेल्या स्त्रियांसाठी अननस खाणे योग्य नाही.

४. शरीराचे वजन वाढते

अननसा मध्ये उच्च–कॅलरी सामग्री असते आणि जास्त वजन असलेल्या गर्भवती महिलांना अननस खाण्याची शिफारस केली जात नाही.

५. अतिसार होतो

ब्रोमेलेनचे मोठ्या प्रमाणात सेवन केल्यास अतिसारासाठी देखील ते जबाबदार असते.

जर तुम्हाला अननस खाण्याची सवय नसेल आणि तुम्ही पहिल्यांदाच ते खात असाल तर तुम्हाला काही ऍलर्जीक प्रतिक्रिया येऊ शकतात. खाज सुटणे, तोंडात सूज येणे, नाक वाहणे किंवा काही बाबतीत दमा इत्यादी ऍलर्जीची लक्षणे दिसू शकतात.

अननसामुळे गर्भपात होऊ शकतो का?

लोकांचा असा विश्वास आहे की अननस खाल्ल्याने अकाली प्रसूती होण्याची शक्यता असते. जर अननस जास्त प्रमाणात खाल्ले तरच असे होऊ शकते.

गर्भवती स्त्री किती अननस खाऊ शकते?

पहिल्या तिमाहीत अननस खाणे टाळा. दुस–या तिमाहीत, तुम्ही आठवड्यातून सुमारे ५०–१०० ग्रॅम अननस खाऊ शकता. तिसर्‍या तिमाहीत, तुम्ही दररोज सुमारे २५० ग्रॅम अननस खाऊ शकता. परंतु, जास्त प्रमाणात सेवन केल्याने गर्भाशयाचे आकुंचन होऊ शकते, तुम्ही किती प्रमाणात अननस खाल्ल्यास ते तुमच्यासाठी सुरक्षित आहे हे तुमच्या स्त्रीरोगतज्ञांकडून माहिती करून घ्या.

पाककृती

अननस वापरून करता येणारे काही पदार्थ इथे दिलेले आहेत

१. मँगलोरियन पायनॅपल करी

ही करी मंगलोरची खासियत आहे.

साहित्य

• चिकन – १ किलो
• हिरवा आंबा, चिरलेला – १
• अननस, चिरलेला – १/२
• लाल मिर्च पावडर – १/२ टीस्पून
• हळद – २/४ टीस्पून
• पाम साखर – १ १/२ टीस्पून
• तेल
• मीठ – आवश्यकतेनुसार
• वरून सजावटीसाठी ताजी कोथिंबीर

कोरड्या मसाल्यासाठी साहित्य

• तीळ – १ टीस्पून
• मेथीचे दाणे – १ टीस्पून
• नारळ, किसलेले – १ टेस्पून

फोडणीसाठी साहित्य

• मोहरी – १ टीस्पून
• कढीपत्ता – ६–७

कृती

1. सुक्या मसाल्याचे साहित्य भाजून बारीक करा.
2. अननस आणि कैरी मिक्स करून घट्ट प्युरी बनवा.
3. चिकनला तेल आणि मीठ घालून ते सोनेरी तपकिरी होईपर्यंत तळा. ते काढून बाजूला ठेवा.
4. कढईत अननसाची प्युरी घाला.
5. तिखट, हळद, मीठ आणि खजूर साखर मिसळा.
6. कोरड्या मसाल्यात थोडे पाणी घाला.
7. ग्रेव्हीमध्ये चिकन घाला आणि काही मिनिटे शिजवून घ्या.
8. वेगळ्या कढईत तेल गरम करून फोडणीचे साहित्य भाजून घ्या.
9. चिकनवर फोडणी घाला.
10. गार्निश करून गरमागरम सर्व्ह करा.

२. चीज आणि अननसाचे गोळे

सँडविच बनवण्यासाठीही अननस वापरता येतात!

साहित्य

• ब्राऊन ब्रेडचे तुकडे – ६
• दही, मीठ आणि मिरपूड – २ टेस्पून
• चीज, किसलेले – ३/४ कप
• कांदा, चिरलेला – १
• पुदीना, चिरलेला – १ टेस्पून
• अननसाचे तुकडे – ६
• सजावटीसाठी पुदिन्याची पाने

कृती

1. ब्रेडच्या स्लाइसवर दही पसरवा.
2. चीज, चिरलेला कांदा आणि पुदिन्याची पाने मिक्स करा.
3. ही पेस्ट ब्रेडच्या स्लाइसवर पसरवा.
4. त्यांच्यावर अननसाचा तुकडा ठेवा.
5. सर्व्ह करा.

गर्भवती स्त्रिया अननस खाऊ शकतात की नाही हा वादाचा मुद्दा आहे. यावर लोकांची वेगवेगळी मते आहेत. परंतु, तुम्ही तुमच्या डॉक्टरांचा सल्ला घ्या. नंतर उपचारांपेक्षा आधी काळजी घेणे कधीही चांगले!

आणखी वाचा:

गरोदरपणात केळी खाणे
गरोदरपणात पेरू खाणे सुरक्षित आहे का?