In this Article
जर तुम्ही आणि तुमचे पती कुटुंबाची सुरुवात करण्याचा विचार करत असाल आणि तुम्ही गरोदर असल्याची तुम्हाला शंका असेल, तर तुम्ही आधीच घरगुती गर्भधारणा चाचणी केलेली असण्याची शक्यता आहे. चाचणी जर पॉसिटीव्ह आलेली असेल तर तुम्हाला नक्कीच आनंद झाला असेल. पण तुमचा गर्भारपणाचा हा प्रवास नुकताच सुरू झाला आहे. तुमच्या गर्भधारणेची पुष्टी करण्यासाठी तुम्हाला आता डॉक्टरांना भेटावे लागेल. डॉक्टर त्यासाठी रक्त तपासणी सुचवतील. गर्भधारणेची पुष्टी करण्याचा सर्वोत्तम मार्ग म्हणजे रक्ताची तपासणी करून घेणे होय . पालकत्वाचा निरोगी आणि आनंदी प्रवास सुनिश्चित करण्यासाठी गरोदरपणाच्या सुरुवातीच्या काळात रक्त तपासणी देखील केली जाते.
स्त्रीला गर्भधारणा झाली आहे किंवा नाही हे जाणून घेण्यासाठी रक्ताची गर्भधारणा चाचणी केली जाते. पालकत्वाच्या प्रवासातील ही पहिली पायरी आहे.
रक्ताच्या गर्भधारणा चाचणीमध्ये अनेक घटकांचा विचार केला जातो:
घरगुती गर्भधारणा चाचणी घेणे सोपे असते आणि त्यामध्ये लघवीची तपासणी केली जाते, परंतु गर्भधारणेपासून पुढील मासिक पाळीच्या वेळेपर्यंतचा कालावधी स्पष्ट नसल्यामुळे ती चाचणी नेहमीच अचूक नसते. रक्ताची चाचणी अचूक परिणाम देते आणि गर्भधारणा लवकर ओळखण्यास आणि पुष्टी करण्यास देखील मदत करते.
गर्भधारणा निश्चित करण्यासाठी दोन प्रकारच्या रक्त चाचण्या वापरल्या जातात. ती कधी घेतली जाते त्यानुसार ती गर्भधारणा चाचणी एकतर नकारात्मक किंवा सकारात्मक असू शकते.
रक्त गर्भधारणा चाचण्यांचे दोन प्रकार आहेत:
व्हेनपंक्चर नावाची एक प्रक्रिया आहे. ह्या प्रक्रियेमध्ये गुणात्मक रक्त चाचणीसाठी रक्तवाहिनीतून रक्त नमुना काढला जातो आणि रक्तातील एचसीजीची पातळी शोधण्यासाठी हे फक्त एकदाच केले जाते.
या प्रकारच्या चाचणीमध्ये गर्भधारणा निश्चित करण्यासाठी व्हेनपंक्चरचा वापर केला जातो आणि गर्भधारणा झाली आहे किंवा नाही हे तपासण्यासाठी ४८-७२ तासांच्या कालावधीत दोनदा रक्त काढले जाते. ही चाचणी रक्तातील एचसीजी पातळी देखील शोधते आणि अधिक अचूक असते कारण प्रथमच चुकीचा नकारात्मक परिणाम आढळल्यास पुढील चाचणीपूर्वी वाट बघण्यासाठी वेळ असतो.
रक्ताची गर्भधारणा चाचणी तंत्रज्ञ किंवा नर्सद्वारे केली जाते. त्यासाठी प्रथम एखाद्या रक्तवाहिनीतून रक्त काढते. ही रक्तवाहिनी सहसा हातावरची असते. सिरिंज किंवा कुपी वापरून रक्त गोळा केले जाते. रक्त तपासणी सामान्यतः वेगळ्या प्रयोगशाळेत केली जाते आणि नंतर त्याचा अहवाल डॉक्टरांकडे पाठवला जातो किंवा तुम्हाला अहवाल घेण्यासाठी प्रयोगशाळेत जावे लागते. चाचणीद्वारे सहसा रक्तातील एचसीजी किंवा गर्भधारणा हार्मोनची पातळी ओळखली जाते आणि निर्धारित केली जाते.
परिमाणात्मक चाचणीद्वारे गर्भावस्थेच्या पहिल्या तिमाहीत एचसीजीची वाढलेली पातळी समजते आणि नंतर ही पातळी कमी होण्यास सुरुवात होते.
चाचणी केल्यानंतर खालील गोष्टी समजतात:-
एचसीजीची पातळी सामान्यपेक्षा कमी असल्यास, ते देखील ह्या चाचणीद्वारे सूचित होऊ शकते
जर ओव्यूलेशन नंतर सुमारे ७ दिवसांनी आणि मासिक पाळी सुरु होण्याच्या एक आठवडा आधी ह्या चाचण्या केल्यास त्या ९८-९९% अचूक असतात. खोटे-नकारात्मक आणि खोटे-सकारात्मक परिणाम मिळण्याची सुद्धा शक्यता असते
तुम्ही प्रत्यक्षात गरोदर असताना चाचणी तुम्ही गरोदर नाही असे दर्शवते. चाचणी खूप लवकर घेतल्यास हे सहसा घडते. कारण रक्तातील एचसीजीची पातळी शोधणे कठीण असते त्यामुळे नकारात्मक परिणाम मिळतो. जर तुम्हाला वाटत असेल की हा अचूक परिणाम नाही आणि गर्भधारणा झालेली आहे असे तुम्हाला वाटत असेल, तर तुम्ही ४८-७२ तासांच्या आत चाचणीची पुनरावृत्ती करावी.
तुम्ही गरोदर नसताना सुद्धा तुम्ही गरोदर आहात असे चाचणी दर्शवते आणि ते अत्यंत दुर्मिळ आहे. जर तुम्ही विशिष्ट औषधोपचार घेत असाल किंवा ज्यामुळे एचसीजीची उच्च पातळी असण्याची काही वैद्यकीय समस्या असेल तर हा असा परिणाम होऊ शकतो .
अशी अनेक औषधे आहेत जी गर्भधारणेसाठी घेतलेल्या रक्त चाचणीच्या अचूकतेवर परिणाम करू शकतात. त्यापैकी काही खाली सूचीबद्ध केलेली आहेत:
गर्भधारणेनंतर रक्त तपासणी झाल्यावर गर्भधारणा झाली आहे किंवा नाही हे किती लवकर समजू शकते असा प्रश्न तुम्हाला पडत असेल. तुम्ही आणि तुमचे पती मूल होण्यासाठी प्रयत्न करत असाल आणि तुम्हाला असे वाटत असेल की तुम्ही गरोदर आहात, तर लगेच गर्भधारणा झाली आहे किंवा नाही हे ओळखण्यासाठी तुमची पाळी चुकल्यास लगेच रक्त तपासणी करण्याची वेळ येते.
आजकाल रक्त-आधारित गर्भधारणा चाचण्या करण्यामागे कोणतीही जोखीम नाही कारण ती पूर्णपणे नियंत्रित आहे. काही धोके आहेत ते खालीलप्रमाणे -
जर लवकर रक्ताची गर्भधारणा चाचणी केली, तर तुम्ही गरोदर असलात तरीही परिणाम खोटे असण्याची शक्यता असते.
रक्त गर्भधारणा चाचणी स्त्रीरोगतज्ञाच्या दवाखान्यात किंवा निदान केंद्रात करून घेणे आवश्यक आहे . ती घरी केली जाऊ शकत नाही.
तुम्ही गर्भवती आहात असे तुम्हाला आतून वाटत असेल, तर तुम्ही सुरुवातीला घरगुती गर्भधारणा चाचणी किंवा मूत्र चाचणी करू शकता. परंतु गर्भधारणेची पुष्टी करण्यासाठी तुम्हाला रक्त तपासणी करणे आवश्यक आहे. पालकत्वाच्या प्रवासासाठी स्वतःला मानसिकदृष्ट्या तयार करणे देखील महत्त्वाचे आहे कारण ती एक मोठी जबाबदारी आहे.
आणखी वाचा:
चुकीची नकारात्मक गरोदर चाचणी लघवीची गर्भधारणा चाचणी – घरी आणि दवाखान्यात