आययूआय यशस्वी होऊन तुमची गर्भधारणेची शक्यता वाढवण्यासाठी १० टिप्स

प्रत्येकाला स्वतःचे बाळ कधी ना कधी हवे असते. परंतु स्वतःचे मूल होणे हे काही जोडप्यांसाठी फक्त एक स्वप्न असू शकते. जेव्हा एखाद्या स्त्रीची नैसर्गिकरित्या गर्भधारणा होत नाही, तेव्हा कुटुंबासाठी तो एक संघर्ष बनतो. गर्भधारणा न झाल्यामुळे एखाद्या कुटुंबात भांडणे सुद्धा होतात. असे असले तरी, अशा जोडप्यांसाठी एक आशेचा किरण आहे. वैद्यकीय शास्त्रातील प्रगतीमुळे, गर्भधारणेच्या विविध पद्धती आता उपलब्ध आहेत. एक अशीच वैद्यकीय प्रक्रिया म्हणजे म्हणजे आययुआय, म्हणजेच इंट्रायूटरिन इन्सेमिनेशन होय. ह्या प्रक्रियेची आपण सखोल चर्चा करूयात. आययुआय मुळे ज्या स्त्रियांना बाळ हवे आहे त्यांची गर्भधारणेची शक्यता वाढवण्यास मदत होऊ शकते. जोडप्याचे वय, शुक्राणूंची संख्या आणि ट्यूबल पॅटेंसी (फॅलोपियन ट्युब उघडण्याची स्थिती) हे सर्व घटक आययूआयच्या यशाच्या दरावर परिणाम करत असतात.

व्हिडिओ: यशस्वी आययुआय प्रक्रियेसाठी 10 टिप्स

आययुआय कसे कार्य करते?

इंट्रायूटरिन इन्सेमिनेशन (आययुआय) ही प्रजननक्षमता उपचारपद्धती आहे. ह्यामध्ये पुरुषाकडून स्त्रीच्या गर्भाशयात वीर्य हस्तांतरित केले जाते. फॅलोपियन ट्यूबपर्यंत पोहोचणार्‍या शुक्राणूंची संख्या वाढवून गर्भाधानाची शक्यता वाढवणे हे ह्या प्रक्रियेचे उद्दिष्ट आहे.

सर्वात आधी स्त्रीच्या बीजांचे बारकाईने निरीक्षण केले जाते. ओव्हुलेशन-उत्तेजक औषधे देखील दिली जाऊ शकतात. जेव्हा ओव्हुलेशनचा काळ जवळ येतो, तेव्हा आययुआय ही प्रक्रिया केली जाते. वीर्य सेमिनल फ्लुइडपासून वेगळे केले जाते आणि कॅथेटरच्या सहाय्याने गर्भाशयात टाकले जाते. यास फक्त काही मिनिटे लागतात.

आययुआयचा पर्याय कोणत्या स्त्रिया निवडू शकतात?

आययुआयचा पर्याय खालील स्त्रियांद्वारे निवडला जाऊ शकतो:-

• ज्या स्त्रियांच्या सर्व्हायकल मसल्स आणि पेटंट फॅलोपियन ट्यूबमध्ये असामान्यता असते.
• स्खलन कार्य बिघडलेले पुरुष
• लेस्बियन जोडपे

आययुआय काहींसाठी उपयोगी ठरते आणि इतरांसाठी नाही कारण ते व्यक्तीच्या जैविक स्थितीवर अवलंबून असते. म्हणून, आपल्या शक्यतांबद्दल जाणून घेण्यासाठी एखाद्या तज्ञाशी संपर्क साधणे चांगले.

आययुआयची निवड कोणी करू नये?

खालील प्रकरणांमध्ये आययुआय ची शिफारस केलेली नाही:

• तुमच्या फॅलोपियन ट्यूब्ज गंभीरपणे प्रभावित होतात.
• तुम्हाला पेल्विक इन्फेक्शनचा वैद्यकीय इतिहास आहे.
• तुम्ही मध्यम किंवा गंभीर एंडोमेट्रिओसिसने ग्रस्त आहात.

आययुआय चा यशाचा दर 10% – 30% आहे. तुम्ही आययुआय चा पर्याय निवडल्यास, तुमचा आययुआयचा  यशाचा दर सुधारण्यासाठी येथे काही उपयुक्त टिप्स आणि सूचना दिलेल्या आहेत.

वंध्यत्वाची लक्षणे कोणती?

तुम्हाला खालील वंध्यत्वाच्या लक्षणांची जाणीव असावी

• तुम्ही सहा महिन्यांपासून गर्भधारणेचा प्रयत्न करत असल्यास आणि तुमचे वय 35वर्षे किंवा त्याहून अधिक असल्यास .
• तुमचे वय 35वर्षांपेक्षा कमी असून तुम्ही असुरक्षित लैंगिक संबंध ठेवल्यानंतर सुद्धा तुम्हाला गर्भधारणा झाली नाही तर
• तुमचे किमान दोन सलग गर्भपात झालेले असतील तर
• स्त्रियांमध्ये वंध्यत्वाच्या सर्वात सामान्य लक्षणांमध्ये अनियमित किंवा जास्त मासिक पाळी येणे, मासिक पाळी न येणे, संभोग करताना वेदना होणे इत्यादींचा यांचा समावेश होतो.
• लैंगिक इच्छेतील बदल, अंडकोषांमध्ये वेदना किंवा सूज येणे, ताठ होण्यात समस्या आणि लहान, कठीण अंडकोष हे पुरुष वंध्यत्वाचे वैशिष्ट्यपूर्ण संकेत आहेत. तुम्हाला कोणतीही लक्षणे आढळल्यास तुम्ही डॉक्टरांना भेटले पाहिजे.

आययुआय यशस्वी करण्यासाठी काही टिप्स आणि सूचना

प्रत्येक कृत्रिम गर्भाधान तंत्र प्रत्येक स्त्रीसाठी यशस्वी होत नाही. वय, आरोग्याची स्थिती आणि तणावाची पातळी यासारखे काही घटक आययुआयच्या यशात महत्वपूर्ण भूमिका बजावतात. तुमची आययुआय  गर्भधारणा यशस्वी करण्यासाठी तुम्ही अनुसरण करू शकता अशा काही टिप्स येथे दिलेल्या आहेत:

1. प्रजनन तज्ञांना भेटा

आययुआय प्रक्रिया पुनरुत्पादक एंडोक्राइनोलॉजिस्टद्वारे नियंत्रित केली जाते. खूप जास्त अंडी तयार केल्यास हे तंत्रज्ञ काही वेळा ही प्रक्रिया रद्द करू शकतात. काहीवेळा, तज्ञ गर्भधारणेसाठी इतर मार्ग सुचवतात, म्हणून उपचारासाठी तुम्ही योग्य व्यक्तीशी संपर्क साधत आहात ह्याची खात्री केली पाहिजे.

2. माहिती घ्या

जर तुम्ही वंध्यत्वामुळे आययुआयची निवड केलेली असेल, तर तुम्ही आयव्हीएफ सारखे सहज-सोपे पर्याय निवडावेत. 40 वर्षांपेक्षा जास्त वयाच्या स्त्रियांसाठी, आयव्हीएफ हे आययुआय पेक्षा अधिक प्रभावी आहे.

3. निरोगी खा

तुमच्या आहाराचा आययुआयच्या यशाच्या दरावर परिणाम होतो. आपल्या आहारामध्ये अधिक प्रथिनेयुक्त पदार्थांचा समावेश करा आणि कर्बोदके कमी करा. खरं तर, जर तुम्हाला पॉलीसिस्टिक ओव्हरी सिंड्रोम (पीसीओएस) ची समस्या असली तरीही, तुम्ही निरोगी आहार घेतल्यास तुमची गर्भधारणेची शक्यता वाढू शकते. चांगला आहार घेतल्यास गर्भधारणेची शक्यता वाढते.

4. व्यायाम सुरू करा

आययुआय नंतर मध्यम तीव्रतेचा व्यायाम देखील चांगला असतो कुठलाही कठोर व्यायाम करू नका असे तज्ञ सांगतात.. तुम्हाला फक्त सक्रिय राहण्याची गरज आहे आणि जास्त काळ नुसते बसून राहू नका.

5. धूम्रपान टाळा

संशोधनानुसार, धुम्रपान करणाऱ्या स्त्रियांना डिम्बग्रंथि उत्तेजित होण्यासाठी अधिक गोनाडोट्रोपिन डोसची आवश्यकता असते. ह्याचा आययुआय च्या यशाच्या दरावर नकारात्मक परिणाम होतो. म्हणून, धूम्रपान सोडा.

6. तणाव आणि चिंता कमी करा

स्वतःला ताण देऊ नका. आययुआय प्रक्रियेदरम्यान भावनिक उलथापालथ होऊ शकते, परंतु आराम करायला शिका आणि वास्तववादी अपेक्षा ठेवा. त्यामुळे तुमचे शरीर आययुआयला सकारात्मक प्रतिक्रिया देईल.

7. एक्यूपंक्चर वापरून पहा

एक्यूपंक्चर प्रॅक्टिशनर्स/अधिकारी रक्त प्रवाह वाढवण्यासाठी आणि अखेरीस अंड्याची गुणवत्ता सुधारण्यासाठी एक्यूपंक्चर थेरपीची शिफारस करतात. जरी एक्यूपंक्चर शिफारस करत नसली तरी, एक्यूपंक्चर अधिकारी म्हणतात की ही थेरपी गर्भधारणेची शक्यता वाढवू शकते.

8. योग्य पूरक आहार घ्या

Coenzyme Q10 (Co Q10) आणि DHEA ही पूरक औषधे आहेत.  हे पूरक आहार  प्रजनन क्षमता सुधारतात आणि अप्रत्यक्षपणे आययुआय प्रक्रियेस मदत करतात म्हणून ते खूप उपयुक्त आहेत. लक्षात ठेवा की ही औषधे डॉक्टरांनी लिहून दिली पाहिजेत.

9. आययुआयनंतर लैंगिक संबंध ठेवा

डॉक्टरांचे म्हणणे आहे की आययुआय नंतर सेक्स केल्याने खरोखर मदत होते. ह्याचे कारण म्हणजे, सेक्स दरम्यान, गर्भाशय आकुंचन पावू लागते आणि शुक्राणूंना फॅलोपियन ट्यूब्सकडे ढकलते, त्यामुळे प्रक्रिया अधिक कार्यक्षम होते.

10. आनंदी रहा

तुम्हाला आनंदी आणि समाधानी वाटेल अशा गोष्टी करा. जे लोक आकर्षणाच्या नियमावर विश्वास ठेवतात ते म्हणतात की तुम्ही ज्याची कल्पना करता ते तुम्ही आकर्षित करता. म्हणून, जेव्हा तुम्हाला गरोदर व्हायचे असेल, तेव्हा तुमच्या जीवनात बाळाचा आनंद दिसून आला पाहिजे.

यशासाठी आययुआय नंतर मी काय खाऊ शकतो?

तुम्ही काय खाता ह्यावर आययुआय च्या यशाचा दर अवलंबून असतो. तुम्हाला कमी कार्बोहायड्रेट आणि जास्त प्रथिने असलेले पदार्थ खाण्याची गरज आहे. पौष्टिक आहारामुळे तुम्ही गरोदर होण्याची शक्यता वाढते. पीसीओएसची समस्या असलेल्यांसाठी आययुआय यशस्वी होण्यासाठी चांगला आहार घेणे महत्वाचे आहे. म्हणूनच, निरोगी, संतुलित आहार घेणे चांगली गर्भधारणा होण्यासाठी महत्वाचे आहे. आययुआय  नंतर खाण्यासाठी सर्वोत्तम पदार्थ कोणते त्याविषयी बोलूयात.

खाण्यासाठीचे अन्नपदार्थ

चांगल्या आणि अधिक यशस्वी आयुयुआयसाठी खाली दिलेले काही पदार्थ खाणे महत्वाचे आहे

• सुक्या मेव्याचे भरपूर सेवन करा.
• शक्य तितक्या पालेभाज्या खा.
• फक्त घरगुती, ताजे अन्न खा.
• प्रक्रिया केलेले पदार्थ टाळा.
• पारा जास्त असलेले मासे खाणे टाळा.
• दररोज सहा वेळा थोडे थोडे खा.
• क्विनोआ, ब्राऊन राईस आणि इतर जटिल कार्बोहायड्रेट्सचे सेवन वाढवा.
• गरम, मसालेदार पदार्थ किंवा आम्लयुक्त पदार्थ खाणे टाळा किंवा त्यामुळे इरिटेबल बाउल  सिंड्रोम होऊ शकतो.
• द्राक्षे, पपई आणि अननस यांसारखी फळे टाळावीत कारण त्यांच्यामुळे रक्तस्त्राव होऊ शकतो किंवा एंडोमेट्रियल बॅरिअर तुटून गर्भपात होऊ शकतो.

आययुआयचे काय धोके आहेत?

आययुआयच्या काही त्रुटी सुद्धा आहेत, त्या पुढीलप्रमाणे

• आययुआय दरम्यान प्रजनन क्षमता वाढवण्याची औषधे घेतल्यास तुम्ही एकाधिक बाळांसह तुम्ही गर्भवती होऊ शकता.
• प्रक्रियेनंतर संसर्ग होण्याचा धोका असतो.

काही जोडप्याना नैसर्गिकरित्या गर्भधारणा होत नाही. पूर्वी ज्या स्त्रियांना मूल होत नसे त्यांना नाकारून दूर ठेवले जात असे. परंतु, काही वर्षांमध्ये, गोष्टी बदलल्या आहेत. विज्ञान आणि तंत्रज्ञानामुळे, आता अडथळे दूर करून गर्भधारणा होऊन मूल होणे शक्य झाले आहे.

वारंवार विचारले जाणारे प्रश्न

1. आययुआय साठी तुम्ही शुक्राणू जिवंत कसे ठेवू शकता?

चांगले परिणाम मिळविण्यासाठी स्खलन आणि संकलन ह्या दरम्यान दोन ते तीन दिवस थांबण्याचा सल्ला दिला जातो. शुक्राणू चक्रादरम्यान, फक्त काही दिवस शुक्राणू,पुरुषांच्या शरीरात परिपक्व होतात. नंतर ते विघटित होऊ लागतात आणि पांढऱ्या रक्त पेशींद्वारे नष्ट होतात.

2. आययुआय नंतर कोणते पदार्थ टाळावेत?

आययुआय ही प्रक्रिया यशस्वी होण्यासाठी आम्ही इथे काही टिप्स देत आहोत. आययुआय नंतर, प्रक्रिया केलेले खाद्यपदार्थ, साखरयुक्त पेये, अल्कोहोलयुक्त पेये, मसालेदार आणि पचायला जड जाणारे पदार्थ, तसेच खूप जास्त सीफूड (त्यात पारा असल्याने) इत्यादींपासून दूर रहा. पपई आणि अननस सारखी फळे खाण्यापूर्वी तुमच्या डॉक्टरांचा सल्ला घ्या, कारण काही वैद्यकीय व्यावसायिकांना वाटते की हे पदार्थ  रक्त पातळ करू शकतात आणि एंडोमेट्रियल लेयरचे सुद्धा नुकसान करू शकतात.

3. आययुआय शुक्राणू गर्भाशयात किती काळ जिवंत राहतो?

लैंगिक संबंध ठेवणे आणि आययुआय प्रक्रिया असे दोन्ही एकत्र केल्यास शुक्राणू सुपीक श्लेष्मामध्ये 5 दिवस जगू शकतात.

4. आययुआय नंतर मी दही खाऊ शकते का?

आययुआय ला मदत करण्यासाठी मी काय करू शकते असा प्रश्न अनेकदा मी स्वतःला विचारते. संपूर्ण दूध, क्रीम चीज, दही आणि इतर पूर्ण चरबीयुक्त दुग्धजन्य पदार्थ असलेला आहार प्रजनन क्षमता वाढवू शकतो

5. आययुआय करण्यापूर्वी मी भरपूर पाणी प्यावे का?

आययुआय आधी पाणी पिणे उत्तम आहे; असे केल्याने, गर्भाशय मागे झुकू शकते, ज्यामुळे आययुआय कॅथेटर घालणे सोपे होते.

आणखी वाचा:

आययूआय (इंट्रायुटेराईन इन्सेमिनेशन) नंतर गर्भारपणाची लक्षणे
वंध्यत्वावरील उपचारासाठी इंट्रायुटेरिन इन्सेमिनेशन (आय.यु.आय.)प्रक्रिया