गरोदरपणात तुम्ही जे खाता त्याचा तुमच्या आरोग्यावर तसेच तुमच्या बाळाच्या आरोग्यावर परिणाम होतो. जर तुम्ही निरोगी आहार घेतलात तर तुम्हाला निरोगी गर्भधारणा होईल आणि तुमच्या बाळाचा योग्य विकास होईल. आपल्या पौष्टिक गरजा पूर्ण करण्यासाठी, आपण फळे, भाज्या आणि संपूर्ण धान्य ह्यासारखे निरोगी पदार्थ खाऊ शकता. परंतु तुम्ही कोणतीही फळे किंवा भाज्या खाऊ शकत नाही - काही फळे आणि भाज्या गरोदरपणात खाण्यासाठी सुरक्षित नसतात. ह्या लेखात आम्ही तुम्हाला काही फळांबद्दल सांगणार आहोत. ही फळे खाणे तुम्ही गरोदरपणात टाळावे.
बहुतेक सर्व फळांमध्ये गरोदरपणात आपल्या शरीराला आवश्यक असलेली जीवनसत्त्वे आणि पोषक तत्वे असतात. विशेषत: जेव्हा गर्भाच्या वाढीचा वेग वाढतो, तेव्हा काही फळे आपल्या शरीरासाठी चांगली नसतात. काही फळे गर्भाच्या आरोग्यावर परिणाम करतात हे देखील ज्ञात आहे, तर काही फळांमुळे गर्भपात होऊ शकतो. खाली काही फळांची यादी दिली आहे. ही फळे खाणे तुम्ही गरोदरपणात टाळले पाहिजे.
गर्भावस्थेच्या पहिल्या तिमाहीत टाळण्यासारख्या फळांच्या यादीत अननसाचा समावेश होतो. कारण अननस खाल्ल्याने गर्भाशयाचे तीक्ष्ण आकुंचन होऊ शकते आणि त्यामुळे गर्भपात होऊ शकतो. अननसात ब्रोमेलेन हे एन्झाइम असते. हे एन्झाईम प्रथिने नष्ट करते आणि गर्भाशय ग्रीवा मऊ करू शकते आणि त्यामुळे लवकर प्रसूती होऊ शकते. म्हणूनच तुमच्या गरोदरपणात तुम्ही अननसाचे सेवन टाळले पाहिजे.
गरोदरपणात चिंच खाण्याची इच्छा होणे स्वाभाविक आहे आणि तुम्ही लगेच चिंचेचा विचार करू शकता, पण गरोदरपणात चिंच खाल्ल्याने जास्त नुकसान होते. मॉर्निंग सिकनेस आणि मळमळ यासाठी चिंचेचा वापर फार पूर्वीपासून केला जात आहे. तथापि, चिंच खाण्याच्या बाबतीत संयम ही गुरुकिल्ली आहे. चिंचेमध्ये व्हिटॅमिन सी भरपूर प्रमाणात असते आणि गरोदरपणात टाळावे लागणार्या फळांच्या यादीत ते समाविष्ट होण्याचे हे एक मुख्य कारण आहे. चिंचेमध्ये जास्त प्रमाणात व्हिटॅमिन सी असते, जर त्याचे जास्त प्रमाणात सेवन केले तर ते तुमच्या शरीरातील प्रोजेस्टेरॉनचे उत्पादन रोखू शकते. प्रोजेस्टेरॉनच्या कमी पातळीमुळे गर्भपात होऊ शकतो, मुदतपूर्व जन्म होऊ शकतो आणि गर्भाच्या पेशींचे नुकसान देखील होऊ शकते. त्यामुळे विशेषतः पहिल्या तिमाहीत तुम्ही चिंच जास्त खात नाही याची खात्री करा.
पपईमध्ये मॅक्रोन्यूट्रिएंट्स आणि जीवनसत्त्वे भरपूर असतात आणि ती तुमच्या शरीरासाठी आवश्यक असतात, तरीही, ही फळे अशा फळांपैकी एक आहेत जी गर्भवती महिलांसाठी योग्य नाहीत. पपईमुळे तुमच्या शरीराचे तापमान वाढू शकते, आणि ते गरोदरपणात चांगले नसते. याशिवाय, फळामध्ये लेटेक्स भरपूर प्रमाणात असते त्यामुळे गर्भाशयाचे आकुंचन, रक्तस्त्राव आणि गर्भपात होऊ शकतो. त्यामुळे गर्भाच्या विकासात अडथळा येऊ शकतो, म्हणून ते टाळणे चांगले. पिकलेली आणि न पिकलेली दोन्ही पपई खाणे टाळा.
गरोदरपणात टाळावीत अश्या फळांच्या यादीत ह्या फळाचे नाव पाहून तुम्हाला आश्चर्य वाटेल. गरोदरपणात केळी खाणे सुरक्षित मानले जात असले तरी काही विशिष्ट प्रकरणांमध्ये ते टाळले पाहिजे. अलेर्जीने ग्रस्त स्त्रियांना किंवा गरोदरपणात मधुमेह आहे अशा स्त्रियांना केळी खाण्याचा सल्ला दिला जातो. केळीमध्ये चिटिनेज, लेटेक्स सारखा पदार्थ असतो ज्यामुळे ऍलर्जी होते. ह्या पदार्थामउळे शरीरातील उष्णताही वाढते. त्यामुळे ज्या महिलांना चिटनेजची ऍलर्जी आहे त्यांनी केळीचे सेवन करू नये. केळ्यामध्ये साखरेचे प्रमाणही चांगले असते, त्यामुळे मधुमेहींनी केळी खाणे कधीही टाळावे.
टरबूज सामान्यतः मानवी शरीरासाठी चांगले असते कारण ते शरीराला सजलीत करते. शरीरातील सर्व विषारी पदार्थ बाहेर टाकण्यास सक्षम करते. पण गरोदरपणात टरबूज खाल्ल्याने बाळाला टरबूजातून बाहेर पडणाऱ्या विविध विषारी द्रव्यांचा सामना करावा लागू शकतो. हे फळ सामान्यतः गर्भवती महिलेच्या आरोग्यासाठी चांगले असते, परंतु त्याचे काही अनिष्ट परिणाम होऊ शकतात. जास्त प्रमाणात सेवन केल्यास त्यातील साखरेचे प्रमाण रक्तातील ग्लुकोजची पातळी वाढवू शकते. काहीवेळा, टरबूजमध्ये लघवीचे प्रमाण वाढवणारा पदार्थअसतो. हा पदार्थ आपल्या शरीरातील विषारी द्रव्ये बाहेर टळतो आणि आवश्यक पोषक घटक देखील बाहेर काढू शकतात. याशिवाय, हे थंड प्रेरक अन्न आहे, म्हणूनच गरोदर असताना टरबूज खाणे टाळण्याचा सल्ला दिला जातो.
खजुरामध्ये भरपूर जीवनसत्त्वे आणि आवश्यक पोषक असतात, परंतु गर्भवती महिलांना खजूर खाणे टाळण्याचा सल्ला दिला जातो. गरोदरपणात निषिद्ध फळांच्या यादीत खजूर येण्याचे मुख्य कारण म्हणजे खजूर शरीरातील उष्णता वाढवते आणि त्यामुळे गर्भाशयाचे आकुंचन देखील होऊ शकते. म्हणून दररोज एक किंवा दोन खजूर खाणे ठीक आहे, यापेक्षा जास्त प्रमाणात खजुराचे सेवन केल्यास काही गुंतागुंत निर्माण होऊ शकते.
गरोदर महिलांनी गोठवलेल्या बेरी किंवा जास्त काळ गोठवलेल्या गोष्टी टाळल्या पाहिजेत. गोठवलेल्या बेरीची निवड करण्यापेक्षा ताजी फळे खाणे केव्हाही चांगले. जर तुम्ही ते गोठवले तर बेरीमधील मूळ चव आणि पोषक तत्वे नष्ट होतात आणि ते खाणे तुमच्यासाठी आणि तुमच्या बाळासाठी विषारी असू शकते. म्हणूनच तुम्ही फ्रोझन किंवा कॅन केलेल्या बेरी ऐवजी ताज्या बेरी खाऊ शकता.
सर्व कॅन केलेले पदार्थ टाळणे नेहमीच चांगली कल्पना असते कारण त्यात जास्त प्रमाणात संरक्षक असतात. हे संरक्षक तुमच्यासाठी आणि तुमच्या बाळासाठी विषारी असू शकतात आणि त्यामुळे गुंतागुंत होऊ शकते – म्हणून कॅन केलेले टोमॅटो आणि इतर पदार्थ खाणे टाळा.
गरोदर असताना, तुम्ही खाऊ शकता अशा काही फळांमध्ये सफरचंद, डाळिंब, नाशपाती, आंबा, संत्री, एवोकॅडो आणि पेरू यांचा समावेश होतो. परंतु त्यांचे सुद्धा सेवन कमी प्रमाणात केले पाहिजे. कोणताही आहार घेण्यापूर्वी डॉक्टर किंवा पोषणतज्ञांचा सल्ला घेणे हा एक चांगला पर्याय आहे.
तुम्ही रोज एखाद्या पौष्टिक फळाच्या दोन ते चार सर्विंग्स खाऊ शकता. सहसा, फळांच्या एका सर्व्हिंगमध्ये कापलेल्या फळाचा कप किंवा संपूर्ण फळाचा मध्यम तुकडा समाविष्ट असतो.
गरोदर महिलांना फळांचा रस टाळण्याचा सल्ला दिला जातो कारण पाश्चराईज न केलेल्या रसांमुळे पचनाशी संबंधित आजार होऊ शकतात. म्हणून जेव्हा तुम्ही फळांचा रस घेत असाल तेव्हा ते पाश्चराइज्ड असल्याची खात्री करा.
जर तुम्हाला एक ग्लास रस प्यायला वाटत असेल तर प्रून ज्यूस प्या कारण त्यामुळे बद्धकोष्ठता कमी करण्यास मदत करू शकते. तुम्ही व्हिटॅमिन सीचा रस पिण्याचा प्रयत्न देखील करू शकता कारण त्यामध्ये फॉलिक ऍसिड असते. स्पिना बिफिडा सारख्या परिस्थितीस प्रतिबंध करताना तुमच्या गर्भाचा सामान्यपणे विकास होण्यास मदत होऊ शकते. परंतु एकंदरीत, सर्व गर्भवती महिलांनी फळांचे रस टाळणे ही चांगली कल्पना आहे.
गरोदरपणात खाण्यासाठी सुरक्षित नसलेली कोणतीही फळे कोणत्याही परिस्थितीमध्ये खाणे टाळा. सुरुवातीला, तुमच्या काही आवडत्या भाज्या आणि फळे सोडून देणे तुम्हाला अवघड जाईल, परंतु ही फळे खाणे टाळल्याने तुमचा गर्भारपणाचा कालावधी पूर्ण होण्यास मदत होईल आणि तुमचे आणि तुमच्या बाळाचे चांगले आरोग्य सुनिश्चित होईल. तुम्हाला निरोगी गर्भारपणासाठी शुभेच्छा!
आणखी वाचा:
निरोगी बाळासाठी गर्भधारणेदरम्यान खाल्ले पाहिजेत असे अन्नपदार्थ गरोदरपणासाठी आहार तक्ता – गरोदर स्त्रीसाठी साधा आणि सोपा डाएट प्लॅन