In this Article
मोत्यासारख्या शुभ्र दातांमुळे तुमच्या बाळाचे हास्य आणखीनच मोहक होईल. भविष्यात दातांच्या कोणत्याही गंभीर समस्या टाळण्यासाठी तुम्ही सुरुवातीपासूनच त्याच्या दातांची काळजी घेणे हे तुमचे काम आहे. लहानपणापासूनच दातांच्या स्वच्छतेचे नियमित रुटीन असल्यास तुमच्या मुलाला दातांच्या स्वच्छतेची सवय लागते. त्यामुळे दातांची कीड टाळता येते. तसेच दातांचे पोषण आणि वाणीच्या विकासातील कोणतीही समस्या टाळता येऊ शकते. तुम्ही तुमच्या बाळाचे दात कसे आणि केव्हा घासावेत हे तुम्हाला माहित असणे आवश्यक आहे.
तुमच्या बाळाला पहिला दात आल्यावर लगेच बाळाचे दात घासणे सुरु करणे आवश्यक आहे. बाळाला पहिला दात त्याच्या वयाच्या तीन ते नऊ महिन्यांच्या दरम्यान केव्हाही येऊ शकतो. बाळाला पहिला दात येण्याचे वय प्रत्येक बाळासाठी वेगवेगळे असू शकते. काही बाळांना ते एक वर्षांचे झाल्यावर सुद्धा पहिला दात येत नाही.
तुमच्या बाळाचे दात घासण्यासाठी तुम्हाला टूथब्रश आणि फ्लोरिडेटेड टूथपेस्टच लागेल. बाळ खूप लहान असल्यास, तुम्ही बाळाचे दात स्वच्छ करण्यासाठी स्वच्छ ओलसर कापड, तुमचे बोट किंवा गॉझ पॅड वापरू शकता. तुमच्या लहान बाळाला कोणताही त्रास होऊ नये म्हणून बाळाचे दात हळुवारपणे घासण्याचे लक्षात ठेवा. तुम्ही जर बाळाचा टूथब्रश वापरत असाल, तर ब्रशचे ब्रिस्टल्स मऊ असतील तसेच, डोके लहान आणि हॅण्डल रुंद असतील ह्याची खात्री करा. लहान मुलांसाठी फक्त तांदळाच्या दाण्याएवढी टूथपेस्ट वापरा.
तुमच्या बाळाचे दात घासताना ते हळूवारपणे घासणे महत्वाचे आहे. बाळाचे दात घासण्याचा हा सर्वोत्तम मार्ग खालीलप्रमाणे: -
लहान मुलांच्या हिरड्या संवेदनशील असतात आणि दात येताना बाळाला दुखापत सुद्धा होऊ शकते. त्यामुळे, दात घासताना बाळ विरोध करण्याची शक्यता आहे. जर तुमचे बाळ दात घासण्यास विरोध करत असेल किंवा दात घासून घेण्यास उत्सुक नसेल तर तुम्ही खालील टिप्स वापरून बघू शकता.
रुटीन नीट होण्यासाठी तुम्ही तुमच्या बाळाचे दात दररोज दोनदा घासू शकता. सकाळी एकदा आणि आणि तो झोपण्यापूर्वी एकदा असे दोनदा तुम्ही बाळाचे दात घासू शकता
बाळाला स्तनपान दिल्यानंतर तुम्ही बाळाच्या हिरड्या स्वच्छ केल्यास जिवाणूंची वाढ रोखण्यास मदत होते. तुम्ही त्यासाठी टूथब्रश न वापरणे चांगले. त्याऐवजी, तुम्ही मऊ आणि स्वच्छ ओलसर कापड वापरू शकता. सिलिकॉन किंवा रबर फिंगर ब्रशेस देखील मिळतात. हे ब्रश तुमच्या बाळाच्या संवेदनशील हिरड्यांसाठी अगदी मऊ असतात. हिरड्या स्वच्छ करण्यासाठी तुम्हाला टूथपेस्टची गरज नाही. तुम्ही बाळाला दात येण्याआधीच त्याच्या हिरड्या स्वच्छ करण्यास सुरुवात करू शकता.
तुमच्या बाळाचे दात घासताना तुम्हाला रक्तस्त्राव होत असल्याचे दिसल्यास ते संसर्गाचे लक्षण असू शकते. हिरड्या मऊ झालेल्या असल्यास किंवा जळजळ होत असल्यास त्या चिन्हांकडे लक्ष द्या. नियमित दात घासून दातांची काळजी घेतल्यास ही लक्षणे कमी होण्याची शक्यता असते. तथापि, तसे न झाल्यास, डॉक्टरांचा सल्ला घेण्यासाठी तुम्ही त्याला ताबडतोब डॉक्टरांकडे घेऊन जा.
नाही. प्रत्येक वेळी तुम्ही तुमच्या बाळाला दात घासण्याची गरज नाही. नाश्त्यानंतर आणि झोपण्यापूर्वी दिवसातून दोनदा ब्रश करणे पुरेसे आहे. परंतु, जिवाणूंचा संसर्ग रोखण्यासाठी तुम्ही बाळाला दूध पाजल्यानंतर त्याच्या हिरड्या पुसून घेऊ शकता.
तुमच्या बाळाचे दात घासण्यासाठी तुमच्या बाळाच्या दातांच्या डॉक्टरांनी सांगितलेली कुठलीही फ्लोराइडेड टूथपेस्ट किंवा कोणतीही टूथपेस्ट वापरणे चांगले. वैद्यकीय तज्ज्ञांच्या मते, खोबरेल तेल दातांसाठी चांगले असल्याचे सिद्ध करणारा कोणताही पुरावा नाही.
लहान मुलांच्या दाताला कीड लागून दंत क्षय होण्याची शक्यता असते. बाळाचे दात योग्य प्रकारे कसे स्वच्छ करावे हे जाणून घेतल्यास भविष्यात बाळाच्या दातांच्या समस्या टाळल्या जाऊ शकतात. बाळ सहा किंवा सात वर्षांचा होईपर्यंत दात घासत असताना त्याला मदत करत राहणे आवश्यक आहे. ह्याचे कारण म्हणजे दुधाच्या दातांना कीड लागू शकते किंवा हिरड्यांना संसर्ग होऊ शकतो आणि त्याचा परिणाम दातांवर कायमस्वरूपी होऊ शकतो. सुरुवातीपासूनच तुमच्या बाळाचे दात घासल्यास ह्या समस्या टाळल्या जाऊ शकतात.
आणखी वाचा:
बाळाला दात येतानाचा क्रम बाळांना दात येतानाची लक्षणे आणि घरगुती उपाय