तुमचे बाळ आता अकरा महिन्यांचे आहे. ४८ आठवड्यांपूर्वी ते अगदी छोटंसं बाळ होतं ह्याची कल्पना करणे देखील अशक्य आहे. तो आता आत्मविश्वासाने सगळीकडे फिरत असेल, आधारासाठी फर्निचरला धरून चालेल आणि लवकरच तो स्वतंत्रपणे चालू लागेल (जर त्याने अजून चालण्यास सुरुवात केलेली नसेल तर). त्याचा मेंदू देखील वेगाने विकसित होत आहे, जटिल प्रक्रिया समजून घेत आहे. तुमच्या लहान बाळाचा भाषेचा विकास देखील होत आहे. जेव्हा तुमच्या लहान बाळाची वाढ होते तेव्हा संवादाला उच्च प्राधान्य दिले जाते. तुम्हाला त्याचे विचार अधिक सहजपणे समजावेत अशी तुमची इच्छा असते. जेव्हा बाळाचा पहिल्या वाढदिवसाचा शेवटचा आठवडा सुरु होतो तेव्हा तो काळ तुमच्या साठी सुखद आश्चर्यानी भरलेला असेल!
४८ व्या आठवड्यात तुमचे बाळ कदाचित खूप बडबड करू लागेल. तो कदाचित खरे शब्द बोलत नसेल, परंतु जर तुम्ही नीट ऐकले तर तुमच्या लक्षात येईल की त्याचे बोलणे एखाद्या वाहत्या संभाषणासारखे आहे. उदाहरणार्थ, तो एखादे वाक्य बोलत आहे कि प्रश्न विचारत आहे त्यानुसार बोलताना स्वर वर खाली होऊ शकतात. ह्याचाच अर्थ बाळाने संभाषणाची मूळ संकल्पना आत्मसात केली आहे आणि कालांतराने तो शब्द एकत्र जोडू लागेल. काहीवेळा जेव्हा तो तुमच्याशी अगदी मनापासून बोलत असतो, तेव्हा तुम्हाला त्याचे बोलणे समजले आहे असे दाखवा आणि 'खरंच? आणि मग काय झाले?’ असे प्रश्न त्याला विचारत रहा. तुम्ही असे करत राहिल्यास, तुम्हाला त्याच्या बडबडीमध्ये एक-दोन खरे शब्द ऐकायला मिळतील.
आणखी वाचा: तुमच्या ११ महिन्यांच्या बाळाची वाढ आणि विकास४८ आठवड्यांच्या बाळाचे विकासाचे काही टप्पे खाली दिलेले आहेत त्यानुसार तुम्ही बाळाची काळजी घेऊ शकता.
तुमचे बाळ ४८ आठवड्यांचे झाल्यावर तुम्ही हळूहळू बाळासाठी वाट्या, ताट आणि चमचे आणू शकता. ह्याचे कारण म्हणजे ह्या टप्प्यावर तुमच्या बाळाची मोटर कौशल्ये अधिकाधिक विकसित होतील, त्यामुळे त्याचा हात ताट वाटी पर्यंत पोहोचू शकतो, अन्नपदार्थाचा एखादा घास घेऊन तो तोंडापर्यंत नेऊ शकतो. एकदा का त्याला ही प्रक्रिया समजली की, तो चमच्यांचा वापर करू लागेल. तुमच्या बाळाने उंच खुर्चीवरून वस्तू खाली फेकू नयेत म्हणून सक्शनने ट्रे ला चिकटतील अश्या वस्तू घ्या. तुमच्या बाळाने अन्नपदार्थ उचलायला सोपे जावे म्हणून खोल भांड्यांऐवजी सपाट भांडी वापरा. चमचे वापरण्यासाठी तुमच्या बाळाच्या हात-डोळ्याचा व्यापक समन्वय आणि कौशल्य आवश्यक असल्याने, उंच खुर्चीवरून बाळ जमिनीवर चमचे टाकेल आणि त्यासाठी तुम्ही सज्ज व्हा. खुर्चीभोवती अनेक स्वच्छ चटया ठेवा जेणेकरुन खाली पडलेली वस्तू उचलून तुम्ही पुन्हा ट्रे मध्ये ठेवू शकता. तसेच, तुम्ही तुमच्या नवजात बाळांना प्युरी खाऊ घालण्यासाठी लहान चमच्यांऐवजी मोठ्या हँडलचे चमचे निवडा आणि ते तुमच्या मोठ्या बाळाला पकडणे सोपे जाईल.
आणखी वाचा: ११ महिन्यांच्या बाळासाठी अन्नपदार्थांचे पर्यायतुमच्या ४८ आठवड्यांच्या बाळाला दात येण्यास सुरुवात होईल, वयाच्या १३ महिन्यांच्या बाळाला पहिले ८ दात आलेले असतात. हिरडीच्या बाहेर येण्यासाठी त्याचे दात सध्या तयार असतील. त्यामुळे दात दुखतात आणि अस्वस्थता येते. त्यामुळे तुमचे बाळ रात्रीचे जाते राहते. वरचे चार दात जिथे बाहेर येतील तिथे बाळाच्या हिरड्या सुजलेल्या असतील. त्यामुळे त्याला अस्वस्थता येऊ शकते. तसेच बाळाला झोप लागणे कठीण होईल. म्हणूनच अशावेळी, तुमच्या बाळाला तुमचे अतिरिक्त प्रेम आणि लक्ष आवश्यक असेल. बाळाला स्तनपान करणे, थोपटणे , बाळाला झुलवणे तसेच इतर आरामदायी तंत्रे तुमच्या बाळाला झोपताना शांत करू शकतात. जर तुमच्या बाळाच्या दातदुखीचा त्रास होऊन त्याला असह्य वाटत असेल तर, वेदना कमी करण्यासाठी तुम्ही काय करू शकता हे पाहण्यासाठी तुमच्या बालरोगतज्ञांशी बोला.
तुमच्या ४८ आठवड्यांच्या बाळाची काळजी तुम्ही खालीलप्रमाणे घेऊ शकता:
तुमचे बाळ एक वर्षाचे होईपर्यंत बहुतेक डॉक्टर या वयात कोणतीही वैद्यकीय तपासणी करत नाहीत.
तुमच्या बाळामध्ये ऍनिमिया किंवा इतर काही विकारांची लक्षणे दिसत असल्यास, तुमचे डॉक्टर तुमच्या बाळाच्या रक्तातील हिमोग्लोबिन, शिसे आणि लोहाची पातळी तपासण्यासाठी रक्त तपासणी करण्यास सांगू शकतात. तुमच्या बाळाच्या विकासाचा मागोवा घेण्यासाठी डॉक्टर नियमितपणे त्याची उंची आणि वजन देखील मोजू शकतात.
तुमच्या बाळाला हिपॅटायटीस बी लसीचा अंतिम डोस आणि आयपीव्ही (पोलिओ) लसीचा तिसरा डोस आवश्यक असू शकतो, हे दोन्ही डोस ६-१८ महिन्यांच्या दरम्यान देणे आवश्यक आहे. डॉक्टरांच्या शिफारशीवर आधारित, तुमच्या बाळाला इन्फ्लूएंझा लसीची देखील आवश्यकता असू शकते.
तुम्ही आणि तुमचे ४८-आठवड्याचे बाळ खेळू शकता असे काही क्रियाकलाप आणि खेळ येथे आहेत:
दरवाजा किंवा वस्तूंच्या मागे लपून हा गेम खेळा. यामुळे तुमचे बाळ हसेल आणि खेळात सहभागी होईल.
जर तुमचे बाळ चालत असेल किंवा रांगत असेल, तर त्याच्या हालचालीची नक्कल करा आणि खोलीत त्याच्या विरुद्ध धावण्याचा प्रयत्न करा. त्यामुळे त्याची मोटर कौशल्ये आणि अंतर व गतीची संकल्पना विकसित करण्यात मदत होऊ शकते
तुमच्या बाळासोबत एखादे पुस्तक वाचा, शक्यतो चमकदार चित्रे असलेले पुस्तक घ्या आणि तुम्ही पुस्तकात दाखवत असलेल्या गोष्टींची नावे देण्यासाठी त्याला प्रोत्साहित करा. जर बाळाला नाव माहित नसेल तर, पुन्हा सांगा जेणेकरून बाळ नावे लक्षात ठेवू शकेल.
तुमच्या बाळाच्या समोर उभे राहा आणि तुमच्या हातात त्याचे हात घ्या. लहान पावले टाका आणि त्याला पुढे चालण्यासाठी प्रोत्साहित करा. असे केल्याने तुमच्या बाळाला चालण्याच्या हालचालीची जाणीव होण्यास मदत होईल आणि बाळाच्या स्नायूंना ते लक्षात राहण्यास मदत होईल आणि तो लवकरच स्वतःचे स्वतः चालू शकेल.
तुमच्या ४८ आठवड्यांच्या बाळाचा विकास होत असताना खालील परिस्थितीत डॉक्टरांचा सल्ला घ्या:
प्रत्येक बाळाचा चालण्याचा एक वेग असतो. तुमचे बाळ आत्तापर्यंत काही पावले टाकत असेल किंवा अजूनही रांगत असेल तर काळजी करू नका. बाळे त्यांची मोटर कौशल्ये वेळेवर आत्मसात करतील. फोटो क्लिक करण्यासाठी तुमचा कॅमेरा नेहमी तयार ठेवा!