In this Article
गर्भवती स्त्रीला तिच्या गरोदरपणाची प्रगती चांगली होत आहे हे समजण्यासाठी वेगवेगळ्या चाचण्या करून घ्याव्या लागतात. जर तुम्ही गरोदर असाल तर तुमचे डॉक्टर तुम्हाला वेगवेगळ्या चाचण्या करून घेण्यास सांगतात. त्यापैकीच एक चाचणी म्हणजे ट्रिपल मार्कर टेस्ट होय. तुमच्या बाळामध्ये कुठलीही आनुवंशिक आरोग्याची समस्या असल्यास ही चाचणी केल्यास त्याचा फायदा होऊ शकतो. ट्रिपल मार्कर टेस्ट ही मल्टिपल मार्कर टेस्ट किंवा मल्टिपल स्क्रीनिंग गेस्ट म्हणून सुद्धा ओळखली जाते. ह्या चाचणी विषयी अधिक जाणून घेण्यासाठी आणि ही चाचणी गरोदरपणात का महत्वाची आहे हे माहिती करून घेण्यासाठी हा लेख वाचा.
ट्रिपल मार्कर स्क्रीन टेस्ट (ट्रिपल मार्कर टेस्ट म्हणूनही ओळखली जाते) ही रक्ताची एक साधी चाचणी आहे आणि गरोदरपणाच्या १५ व्या आणि १८ व्या आठवड्यादरम्यान केली जाते. ह्या चाचणीमध्ये, रक्ताचा नमुना घेतला जातो आणि गर्भामध्ये असलेली कोणतीही समस्या निर्धारित करण्यासाठी रक्तातील एफपी, एचसीजी आणि एस्ट्रिओलची पातळी मोजली जाते.
विकसनशील गर्भाला काही जन्मजात दोष असण्याचा धोका आहे की नाही हे शोधण्यासाठी चाचणी केली जाते.
ही चाचणी करताना आरामदायी वाटण्यासाठी ही चाचणी का केली जाते हे आधी समजून घेणे आवश्यक आहे. स्क्रीनिंग चाचणी कुठलेही निदान करत नाही. विशिष्ट विकृती अस्तित्वात असल्यास आणि त्याविषयीच्या जोखीम घटकाचे संकेत देण्यापूर्वी वय, वांशिकता, रक्त चाचण्यांचे परिणाम इत्यादींसारख्या अनेक घटकांची तुलना केली जाते. ह्या चाचणीद्वारे एखादी समस्या अस्तित्वात आहे हे समजत नाही, तथापि, विशिष्ट स्थिती किंवा समस्या निश्चित करण्यासाठी पुढील चाचण्या करणे आवश्यक आहेत कि नाही हे मात्र ह्या चाचणीद्वारे समजते
ट्रिपल मार्कर टेस्ट तुमच्या गरोदरपणाबद्दल तुमच्या डॉक्टरांना महत्त्वाची माहिती देऊ शकते. येथे दिलेले चाचणीचे काही फायदे त्यासाठी मदत करतात.
वर नमूद केल्याप्रमाणे, ही चाचणी गरोदरपणाच्या १५ व्या आणि २० व्या आठवड्यात केली जाऊ शकते. परंतु, सर्वात अचूक परिणाम १६ व्या आणि १८ व्या आठवड्यादरम्यान मिळू शकतो. चाचणीचे निकाल सामान्यतः दोन ते चार दिवसांत उपलब्ध होतात.
या चाचणीसाठी कोणतीही तयारी आवश्यक नाही. तुम्ही या चाचणीसाठी जाण्यापूर्वी तुमच्या खाण्यावरही कोणतेही निर्बंध नसतात. ह्या चाचणीचे दुष्परिणाम देखील नगण्य आहेत. ही चाचणी रक्ताचा नमुना घेऊन केली जाते. ह्या चाचणीचा आईला तसेच बाळाला कमीत कमी धोका असतो.
ट्रिपल टेस्ट इतर चाचण्यांसारखीच केली जाते. तुमचे डॉक्टर किंवा तंत्रज्ञ ही चाचणी कशी करतात ते येथे दिलेले आहे.
डॉक्टर तुमच्या पुढील भेटीदरम्यान, परिणामांवर चर्चा करतील आणि परिणामांवर आधारित संबंधित माहिती देतील.
टीप: चाचणीचे कोणतेही दुष्परिणाम नाहीत. कृपया चाचणीविषयी आणि चाचणीच्या परिणामांच्या आधारावर आवश्यक असलेल्या कृतींबद्दल तुम्हाला काही चिंता असल्यास तुमच्या डॉक्टरांशी चर्चा करा.
ट्रिपल स्क्रीन टेस्ट ही एक सूचक चाचणी आहे. ह्या चाचणीदरम्यान काही असामान्यता आढळल्यास कुठली उपाययोजना करावी हे डॉक्टरांना समजते. ही चाचणी एचसीजी ची पातळी मोजते आणि एचसीजी तसेच इस्ट्रियॉलची पातळी सामान्य आहे की नाही हे सुद्धा त्यावरून समजते. चाचणीचे परिणाम वापरून नंतर निदान करण्यासाठी आईचे वय, वजन, गर्भारपणाचा कालावधी आणि वांशिकता लक्षात घेतली जाते.
ही चाचणी करत असताना, तुम्ही तुमच्या डॉक्टरांशी संबंधित माहिती शेअर करणे महत्त्वाचे आहे. माहितीनुसार चाचणीचे निकाल बदलू शकतात. नवीन सुया, जंतुनाशक आणि जंतुनाशक वाईप्स तसेच प्रतिजैविके वापरून, गर्भावर रक्तातील रोगजनकांचा परिणाम होणार नाही ह्याची खात्री करण्यासाठी, डॉक्टर रक्त काढताना आवश्यक ती खबरदारी घेतात.
ट्रिपल मार्कर चाचणीच्या मदतीने गरोदरपणातील संभाव्य गुंतागुंत लक्षात येते तसेच एका पेक्षा जास्त गर्भ असल्यास ते सुद्धा ह्या चाचणीद्वारे समजते . ३५ वर्षांपेक्षा जास्त वयाच्या स्त्रियांसाठी ट्रिपल मार्कर स्क्रीन टेस्ट करून घेणे फायदेशीर आहे. बाळामध्ये जन्मतःच काही दोष असल्यास ते समजण्यास ह्या चाचणीची मोठी मदत होते तसेच त्याबाबतची आधीच तयारी करण्यासाठी सुद्धा मदत होते. त्यापैकी काही काही आनुवंशिक विकार आणि विकृती खाली दिलेल्या आहेत.
ह्या चाचणीचे कोणतेही ज्ञात दुष्परिणाम नाहीत. स्त्रीच्या शरीरातून खूपच कमी प्रमाणात रक्त काढले जाते त्यामुळे रक्त कमी होऊन आईच्या आरोग्यावर परिणाम होत नाही.
ट्रिपल मार्कर चाचण्यांचे परिणाम बाळाला अनुवांशिक विकार असण्याची शक्यता दर्शवतात. तथापि, परिणाम खालील घटकांवर अवलंबून असतात:
तुम्ही ही चाचणी केल्यानंतर, तुमचे स्त्रीरोगतज्ञ तुमच्या ट्रिपल मार्कर चाचणीच्या अहवालाचे विश्लेषण करतील आणि परिणाम नकारात्मक की सकारात्मक आहेत हे तुम्हाला कळवतील . या चाचणीचे निकाल चुकीचे पॉझिटिव्ह असल्यास किंवा डॉक्टरांना चाचणीचा निकाल सामान्य वाटलं नाही तर ते तुम्हाला आणखी चाचण्या सुचवू शकतात.
तुमच्या गर्भाला न्यूरल ट्यूब दोष, डाउन सिंड्रोम आणि ट्रायसोमी १८ सारखे जन्म दोष होण्याचा धोका कमी असतो असा नेगेटिव्ह स्क्रीनचा अर्थ होतो.परंतु नेगेटिव्ह स्क्रीन असल्यास बाळाचा सामान्यपणे जन्म होईल किंवा पूर्णपणे निरोगी बाळ जन्माला येईल असा त्याचा अर्थ होत नाही.
चाचणी परिणाम असामान्य असल्यास, सर्वात आधी डॉक्टरांचा सल्ला घ्या. गर्भातील विकृतीचे नेमके स्वरूप निश्चित करण्यासाठी डॉक्टर तुम्हाला आणखी काही चाचण्या सुचवतील. ह्यापैकी पहिली चाचणी बहुधा अल्ट्रासाऊंड चाचणी असेल. ह्या चाचणीद्वारे बाळाचे वय निश्चित होईल. तसेच, बाळाला मेंदू, पाठीचा कणा, मूत्रपिंड आणि हृदयाच्या काही समस्या आहेत का हे देखील डॉक्टर तपासतील.
ट्रिपल मार्कर टेस्टचे परिणाम असामान्य असले तरीसुद्धा डॉक्टर तुम्हाला येणाऱ्या परिस्थितीसाठी तयार करू शकतील किंवा ते विकार बरे करण्यास मदत करतील.
ट्रिपल मार्कर टेस्ट करून घेतल्याने संभाव्य जन्म दोष आणि अनुवांशिक परिस्थिती ओळखण्यास किंवा निदान करण्यास मदत होऊ शकते परंतु त्याहूनही महत्त्वाचे म्हणजे पालकांना त्यासाठी तयार करण्यासाठी त्याची मदत होऊ शकते. विशेष गरजा असलेल्या मुलांना घेऊन जीवन जगण्यासाठी पालकांना तयार करणे हा ह्या चाचणीमागचा मुख्य हेतू आहे.
काही पालक चाचणीचे निदान अधिक समजून घेण्यासाठी किंवा दुसरे मत मिळविण्यासाठी वैकल्पिक स्क्रीनिंग चाचण्या करू शकतात. प्रसवपूर्व अल्ट्रासाऊंडसारख्या चाचण्या केल्याने पालकांना निदानाची पुष्टी करता येते. तुमच्या गरजेनुसार कोणती चाचणी करून घ्यावी ह्यासाठी तसेच पर्यायी चाचण्यांच्या यादीसाठी तुमच्या डॉक्टरांशी बोला.
संभाव्य आव्हानांना तोंड देण्यासाठी तयार राहणे हा सर्वोत्तम मार्ग आहे. तुमचे बाळ निरोगी आहे की नाही हे जाणून घेणे ही तुमच्या पुढील आयुष्यासाठी तयार होण्याची पहिली पायरी आहे. ट्रिपल मार्कर टेस्ट तुम्हाला त्यासाठी तयार करण्यासाठी मदत करेल. तसेच तुमच्या मुलाला इतर आरोग्यविषयक समस्या तर नाहीत ना हे जाणून घेण्यासाठी ह्या चाचणीची मदत होईल . म्हणून ह्या चाचणीसाठी आणि इतर आवश्यक चाचण्यांसाठी वेळापत्रक तयार करा. तुम्हाला निरोगी गर्भारपणासाठी शुभेच्छा!
आणखी वाचा:
गरोदरपणातील नॉन स्ट्रेस चाचणी गरोदरपणातील कोरिऑनिक व्हीलस सॅम्पलिंग (सीव्हीएस) चाचणी